ഐ .എ.എം. ഇ സംസ്ഥാന ആർട്ടോറിയം  - ചാലിയം ക്രസന്റ് സ്കൂളിൽ നാളെ തുടക്കം

കോഴിക്കോട് : ഐ.എ.എം. ഇ (ഐഡിയൽ അസോസിയേഷൻ ഫോർ മൈനോരിറ്റി എജ്യൂക്കേഷൻ ) സംഘടിപ്പിക്കുന്ന സംസ്ഥാന  ആർട്ടോറിയം നവംബർ 3, 4 വെള്ളി, ശനി ദിവസങ്ങളിലായി ചാലിയം ക്രസന്റ് പബ്ലിക് സ്കൂളിൽ നടക്കും.
സംസ്ഥാനത്തിന്റെ വിവിധ ജില്ലകളിലെ 65 സ്കൂളുകളിൽ നിന്നും 2000  പ്രതിഭകളാണ് 130  സ്‌റ്റേജ് - സ്റ്റേജിതര മത്സരങ്ങളിലായി മാറ്റുരക്കാനെത്തുന്നത്.
കലാപരമായ ആശയങ്ങളുടെ തനിമയൊട്ടും ചോരാതെ വ്യത്യസ്തമായ  വേദികളിലായി വിദ്യാർത്ഥി പ്രതിഭകളുടെ കലാ വൈഭവങ്ങൾക്ക് ആർട്ടോറിയം സാക്ഷിയാവും. കലകളുടെ സർഗാത്മകമായ ആവിഷ്കാരവും വിദ്യാർത്ഥികളിൽ നൈസർഗീകമായ കലാവാസനകളെയും ഉണർത്തി സാമൂഹിക അവബോധവും ആത്മ വിശ്വാസവും വളർത്തിയെടുക്കാനും അത് ഉൾക്കൊണ്ട് സാമൂഹീക ജീവിതത്തിൽ മാനവികമായ കാഴ്ച്ചപ്പാടുകൾ രൂപീകരിക്കുക എന്ന ലക്ഷ്യത്തോടെയാണ് ആർട്ടോറിയം സംഘടിപ്പിക്കപ്പെടുന്നത്. നവംബർ 3
വെള്ളിയാഴ്ച്ച രാവിലെ 10 ന് നടക്കുന്ന പരിപാടിയിൽ 
തുറമുഖ മ്യൂസിയം പുരാവസ്തു വകുപ്പ് മന്ത്രി അഹമ്മദ് ദേവർ കോവിൽ ഉദ്ഘാടനം നിർവ്വഹിക്കും. സ്വാഗത സംഘം ചെയർമാൻ എ.പി അബ്ദുൽ കരീം ഹാജി അദ്ധ്യക്ഷത വഹിക്കും. കേരള മുസ്ലിം ജമാഅത്ത് സംസ്ഥാന ജനറൽ സെക്രട്ടറി ബദറു സ്സാദാത്ത് സയ്യിദ് ഇബ്റാഹീമുൽ ഖലീൽ ബുഖാരി മുഖ്യ പ്രഭാഷണം നടത്തും . ഐ.എ.എം. ഇ സംസ്ഥാന പ്രസിഡണ്ട് സയ്യിദ് മുഹമ്മദ് തുറാബ് അസ്സഖാഫ് പ്രമേയ  പ്രഭാഷണം നിർവ്വഹിക്കും.  പ്രൊഫ. എ കെ അബ്ദുൾ ഹമീദ് സന്ദേശ പ്രഭാഷണം  നടത്തുന്നതോടൊപ്പം ഐ.എ.എം. ഇ സംസ്ഥാന ഭാരവാഹികളായ അഫ്സൽ കൊളാരി, നൗഫൽ കോഡൂർ, മുഹമ്മദലി എൻ, കെ.എം അബ്ദുൾ ഖാദർ, കെ. ഉമ്മർ മദനി . , ചാലിയം ക്രസന്റ് ട്രസ്റ്റ് മെമ്പർ ടി.എ മുഹമ്മദ് കോയ , എ.പി അബ്ദുൾ അസീസ്, വാർഡ് മെമ്പർ മുരളി മുണ്ടങ്ങാട്, ക്രസന്റ് പ്രിൻസിപ്പാൾ സുരേഷ് ബാബു അഡ്മിനിസ്‌ട്രേറ്റർ അബ്ദുൽ ജബ്ബാർ അനുമോദനങ്ങളർപ്പിക്കും.
ഐ.എ.എം. ഇ ജനറൽ സെക്രട്ടറി വി.പി.എം. ഇസ്ഹാഖ് സ്വാഗതവും ജനറൽ കൺവീനർ പി.കെ അബ്ദുൽ മജീദ് ഹാജി നന്ദിയും പറയും.

നവംബർ 4 - ന് നടക്കുന്ന സമാപന ചടങ്ങിൽ  കായികം, ഹജ്ജ് വഖഫ് ,ന്യൂനപക്ഷ ക്ഷേമ വകുപ്പ് മന്ത്രി വി. അബ്ദുറഹിമാൻ ഉദ്ഘാടനം നിർവ്വഹിക്കും.  ഐ എ എം ഇ സംസ്ഥാന പ്രസിഡണ്ട് സയ്യിദ് മുഹമ്മദ് തുറാബ് അസ്സഖാഫ് അദ്ധ്യക്ഷത വഹിക്കും. എസ് വൈ എസ് സംസ്ഥാന ജനറൽ സെക്രട്ടറി ഡോ. എ.പി അബ്ദുൽ ഹകീം അസ്ഹരി മുഖ്യ പ്രഭാഷണം നിർവ്വഹിക്കും. എ.പി അബ്ദുൽ കരീം ഹാജി പ്രഭാഷണം നടത്തും . സെക്രട്ടറി നൗഫൽ കോഡൂർ കീനോട്ടും അവതരിപ്പിക്കും. ഐ.എ.എം ഇ സംസ്ഥാന ഫിനാൻസ് സെക്രട്ടറി പ്രൊഫ. എ കെ അബ്ദുൾ ഹമീദ്, ജനറൽ സെക്രട്ടറി വി.പി.എം ഇസ്ഹാഖ്, എക്സിക്യൂട്ടീവ് ഡയറക്ടർ  അഫ്സൽ കൊളാരി സെക്രട്ടറിയേറ്റ് അംഗങ്ങളായ അമീർ ഹസൻ, പ്രൊഫ. യു.സി അബ്ദുൾ മജീദ്, ഉനൈസ് മുഹമ്മദ്, ഐ.പി.എഫ് ഡയറക്ടർ ഡോ. എ മുഹമ്മദ് ഹനീഫ,ക്രസന്റ് ട്രസ്റ്റ് ട്രഷറർ ഡോ. ടി.എ അബ്ദുൽ അസീസ്, എ.പി  അബ്ദുൽ അസീസ്, ടി.എ മുഹമ്മദ് കോയ
വിവിധ സ്ഥാപന മേധാവികൾ പങ്കെടുക്കും. വിജയികളായ സ്കൂളുകൾക്ക് ട്രോഫികൾ സമ്മാനിക്കും.
കെ.എം അബ്ദുൽ ഖാദർ സ്വാഗതവും അബ്ദുൽ ജബ്ബാർ ഹാജി നന്ദിയും പറയും.